ТоҷикТА – Дар 24 соати ахир дар шаш минтақаи Тоҷикистон сел ба амал омад, гузориш медиҳад Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон.
Бар асари омадани сел дар деҳоти Шараф, Садокат ва Тоҷикободи ноҳияи Рӯдакӣ роҳҳо зери об мондаанд. Аммо ба хочагии халк зарар нарасид.
Дар деҳаи Даханаи ноҳияи Хуросони вилояти Хатлон низ сел омада, роҳҳоро зери об монд. Илова бар ин, сел 18 қитъаи замини наздиҳавлигӣ дар деҳаи Истиқлоли ҷамоати деҳоти ба номи С.Айнии ҳамин ноҳияро зери об мондааст.
Дар ҷои ҳодиса комиссияи ҳолатҳои фавқулоддаи ноҳия кор мекунад. Зарарро баҳо дода, барои рафъи оқибатҳои офати табиӣ кор мебарад.
Худи ҳамон рӯз боришоти зиёд боиси боло рафтани сатҳи оби канали Хоҷқалъаи рустои Зафарободи ноҳияи Ҷомии вилояти Хатлон шуд. Дар натиҷа оби раҳошуда 13 қитъаи замини наздиҳавлигии сокинон ва роҳҳои ин деҳаро зери об мондааст. Комиссияи фавқулодаи ноҳия низ дар ҷойи ҳодиса кор карда, ҷиҳати рафъи оқибатҳои он корҳоро анҷом медиҳад.
Бар асари боришоти шадид дар ҷамоати деҳоти Кӯлоб, дар наздикии шаҳраки Нобиноиёни (Лағмон-2) шаҳри Кӯлоби вилояти Хатлон сатҳи об дар Кӯлоб баланд шуда, хатари шуста шудани соҳилҳои чапу рости дарё. Барои бартараф намудани ин вазъият мачрои дарьё ба масофаи 150 метр бо техникам вазнини инженерй иваз карда шуд.
Болоравии сатхи оби дарёи Ёхсу низ ба кайд гирифта, дар китъаи Кўчабоги чамоати дехоти ба номи Х.Рачабови нохияи Восеъ, дар масофаи 70 метр садди мухофизатии дарёро шуста бурд вилоят. Бо истифода аз техникам махсус ба масофаи 120 метр хандак кофта, дар участкаи муайяншуда 14 блоки охану бетонй гузошта шуд.
Бар асари боло рафтани сатҳи оби рӯдхонаи Сурхоб, сарбандҳои муҳофизатӣ дар ҷамоати деҳоти Баҳманрӯд ва Чилчаи ноҳияи Темурмалики вилояти Хатлон қисман шуста шуданд.
Бар асари омадани сел дар ин минтақаҳо талафот ва харобиҳо ба мушоҳида нарасидааст.
Акс: Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон
