Моҳи сентябр дар Душанбе намоишгоҳи сайёҳии «Travel HUB» баргузор мешавад. Дар он ширкатҳои сайёҳии Русия ширкат карда, хидматҳои худро муаррифӣ мекунанд ва меҳмононро бо зарфияти гардишгарии Тоҷикистон ошно мекунанд.
Дар ин бора раиси Кумитаи рушди сайёҳии назди Ҳукумати Ҷумҳурии Тоҷикистон Камолиддин Мӯъминзод зимни мулоқот бо муассис ва роҳбари ширкати сайёҳии «Аредов» Арсений Аредов ва иҷрокунандаи вазифаи директори Шӯрои соҳибкорон изҳор дошт. Тоҷикистону Русия Ирена Мизай.
Дар ин мулоқот намояндагони Кумитаи рушди сайёҳии Тоҷикистон таъкид карданд, ки гардишгарӣ яке аз самтҳои афзалиятноки рушди иқтисоди миллӣ мебошад. Онҳо ҳамчунин табодули иттилоъот миёни ширкатҳои ду кишварро барои ҷалби бештари сайёҳон муҳим арзёбӣ карданд.
Масъалаҳои истифодаи самараноки таҷрибаҳои Русия дар пешбурди сайёҳӣ ва ҳамкориҳои Кумитаи рушди сайёҳӣ ва Ассотсиатсияи туроператорони Русия ҷиҳати рушди ҳамкориҳои судманд, таҳкими дӯстӣ ва баланд бардоштани сатҳи иқтисодӣ дар соҳаи сайёҳӣ баррасӣ шуданд.
Дар ин бора АМИТ «Ховар» бо истинод ба Кумита хабар дод.
Акс: аз манбаъҳои кушода
