Рӯзи 18 июн дар шабакаи Телеграми нашрияи «Страна.ua» иттилоъе нашр шуд, ки мухолифини қазоқ Айдос Содиқов дар маркази Киев захмӣ шудааст. Ӯ аз соли 2014 дар пойтахти Украина ба сар мебарад.
Қаблан, рӯзи 18 июн пулиси Украина дар шабакаи Телеграм дар бораи тирпарронӣ дар Киев хабар дод. Ба гуфтаи пулис, дар кӯчаи Ярмола як марди ношинос ба марде, ки дар мошин бо ҳамсараш буд, тир холӣ кардааст. Зан осеб надидааст ва вазъи мард низ мушаххас нашудааст. Пулис ном набурд.
Ба иттилои Strana.ua, Айдос Содиқов дар Украина мақоми расмии гуреза гирифтааст. Ӯ ҳамчунин дар шабакаи YouTube-и худ наворҳое нашр кард, ки дар он мақомоти Қазоқистонро танқид кардааст. Моҳи октябри соли 2023 ӯ дар Қазоқистон барои барангехтани кинаву адовати иҷтимоӣ, миллӣ, қабилавӣ, синфӣ ё мазҳабӣ таҳти ҷустуҷӯ қарор дошт.
Акс: аз манбаъҳои кушода
