Имруз хайати вакилони Республикаи Халкии Хитой ба Точикистон омад. Ҳадаф аз ин сафар ширкат дар мулоқоти занони ду кишвар аст, ки рӯзи 20 июн дар шаҳри Хуҷанди вилояти Суғд баргузор мешавад.
Дар фурудгоҳ меҳмононро раиси Кумитаи кор бо занон ва оилаи назди Ҳукумати Ҷумҳурии Тоҷикистон Бунафша Файзиддинзода пешвоз гирифт.
Нимаи дуюми рӯз мулоқот бо ҳайати парлумонии Тоҷикистон дар назар аст. Баъди ин меҳмонон ба Хуҷанд рафта, дар мулоқоти занони Тоҷикистону Чин ширкат мекунанд.
Бояд тазаккур дод, ки ба шарофати сиёсати хирадмандона ва иродаи волои сиёсии сарони кишварҳоямон – Асосгузори сулҳу ваҳдати миллӣ, Пешвои миллат, Президенти муаззами Ҷумҳурии Тоҷикистон Эмомали Рахмон ва Раиси мухтарам Республикам Халкии Хитой Си Цзиньпина — Ҳамкориҳои стратегии байни давлатҳои мо ба зинаи нав баромада, сол то сол дар соҳаҳои гуногуни иқтисодиёт инкишоф меёбанд.
Дар ин бора АМИТ «Ховар» бо истинод ба Кумитаи кор бо занон ва оилаи назди Ҳукумати Ҷумҳурии Тоҷикистон хабар дод.
Акс: Кумитаи кор бо занон ва оилаи назди Ҳукумати Ҷумҳурии Тоҷикистон
