Тибқи нақшаи амалисозии амалиёти минтақавии Созмони Паймони Амнияти Дастаҷамъӣ (СПАД) оид ба мубориза бо муҳоҷирати ғайриқонунии «Нелегал-2024», ки 7 апрели соли 2024 тасдиқ шудааст, амалиёт дар ду марҳила сурат мегирад.
Марҳилаи аввали амалиёти «Трафики ғайриқонунӣ» аз 3 июн то 9 июн сурат гирифт. Ба он неруҳо ва ҳайати шахсии Вазорати корҳои дохилӣ ва Кумитаи давлатии амнияти миллии Ҷумҳурии Тоҷикистон дар вилояти Хатлон ҷалб карда шуданд.
Ҳадаф аз баргузории амалиёт санҷиши риояи қоидаҳои будубоши шаҳрвандони хориҷӣ ва шахсони бешаҳрванд дар ҷойҳои гуногун, аз ҷумла фурудгоҳҳо, вокзалҳо, биноҳои истиқоматӣ, меҳмонхонаҳо, хобгоҳҳо ва ҷойҳои корӣ буд. Инчунин, ҳадафи баргузории амалиёт ошкор намудани шаҳрвандони хориҷӣ ва шахсони бешаҳрванд, ки дар Ҷумҳурии Тоҷикистон бе ҳуҷҷатҳои дахлдор: раводид, қайди шиноснома дар мақомоти корҳои дохилӣ, иҷозатномаи кор ва шиносномаҳои беэътибор кор мекунанд, иборат буд.
Кормандони Хадамоти шиносномадиҳӣ ва бақайдгирии ВКД дар вилояти Хатлон ва дигар масъулин дар ҳудуди бозори «Хочи Шариф», терминали «Бахор», ҶДММ «Форсиён» ва ҶДММ «Ҳунари-41» амалиёти муштарак гузарониданд.
Дар ин бора ба АМИТ «Ховар» хабар медидад.
Акс: АМИТ «Ховар»
