Рустами Эмомалӣ, шаҳрдори Душанбе қарореро имзо кард, ки бар асоси он тамоми таксиҳои пойтахт бояд ба мошинҳои барқӣ гузаранд. Дар ин бора дафтари матбуоти шаҳрдорӣ хабар додааст.
Дар қарор гуфта мешавад, ки тамоми ширкатҳои ба ҳамлу нақли пойтахт машғулбуда бояд то 1 сентябри соли 2025 комилан ба нақлиёти барқӣ гузаранд.
Соли 2022 ба Кодекси андози Тоҷикистон тағйирот ворид шуд, ки соҳибони мошинҳои барқӣ аз пардохти боҷ барои воридоти онҳо ба кишвар озод карда шуд. Ин ба афзоиши қобили мулоҳизаи воридоти мошинҳои барқӣ, умдатан аз Чини ҳамсоя сабаб шудааст. Тибқи иттилои Вазорати нақлиёт, дар соли 2023 теъдоди мошинҳои барқӣ дар кишвар нисбат ба соли қаблӣ беш аз ду баробар – аз 700 то ба 1500 адад афзоиш ёфтааст.
Ширкатҳои таксӣ дар Душанбе ба далели гаронии қимати сӯзишворӣ алакай қисман ба мошинҳои барқӣ гузаштаанд. Нархи як литр бензини навъи АИ-92 ҳудуди 10-11 сомонӣ ($1-1,2) аст. Дар кишвар стратегияи рушди нақлиёти барқӣ то соли 2028 қабул шудааст, ки тибқи он ҳиссаи мошинҳои барқӣ бояд 20-30%-и парки автомобилии кишварро ташкил диҳад, ки дар соли 2024 ҳудуди 670 ҳазор мошинро ташкил медиҳад.
ТАСС хабар медихад.
Акс: аз манбаъҳои кушода
