Дар Женева, дар ҳошияи 77-умин Ассамблеяи ҷаҳонии беҳдошт, як харитаи роҳ дар бахши беҳдошт миёни Тоҷикистон ва Русия ба имзо расид. Дар ин бора маркази матбуоти Вазорати тандурустии ҷумҳурӣ хабар додааст.
Ба гуфтаи маркази матбуъот, харитаи роҳ ба иҷрои тавофуқномаи байниҳукуматии Тоҷикистон ва Русия дар заминаи беҳдошт, таҳсилоти пизишкӣ ва илм мусоидат хоҳад кард. Дар нақшаи корӣ афзалиятҳои аввалиндараҷа муайян карда шуда, инчунин ташкили курсҳои дарозмуддат ва кӯтоҳмуддат барои мутахассисони соҳаи тандурустӣ ва дорусозӣ пешбинӣ шудааст.
Аз ҷониби Тоҷикистон ин санадро муовини вазири тандурустӣ ва ҳифзи иҷтимоии аҳолии Тоҷикистон Зулфия Абдусаматзода ба имзо расонд. Гуфта нашудааст, ки ин санадро аз ҷониби Русия кӣ имзо кардааст.
Ёдовар мешавем, ки созишномаи байниҳукуматии Тоҷикистону Русия моҳи марти соли 2023 ба иҷро даромад. Он мубодилаи мутахассисон, муаллимон ва студентон, гузарондани тадкикоти якчоя, инчунин тайёр кардан ва такмили ихтисоси мутахассисони сохаи тандурустиро пешбинй мекунад.
Акс: аз архив
