Мулоқот дар қароргоҳи раҳбари Тоҷикистон – Қасри миллат дар маркази Душанбе ҷараён дорад.
Раисиҷумҳури Тоҷикистон Эмомалӣ Раҳмон вазири умури дохилии Русия Владимир Колоколтсевро, ки вориди Душанбе шудааст, ба ҳузур пазируфт. Ин нишаст дар Қасри Миллат, ки дар маркази пойтахти Тоҷикистон воқеъ аст, ҷараён дорад.
Рӯзи 28 май дар Душанбе ҷаласаи Шӯрои раҳбарони ниҳодҳои муҳоҷирати кишварҳои узви Иттиҳоди Давлатҳои Мустақил баргузор мешавад. Илова бар ин, қарор аст, дар Душанбе хадамоти шиноснома ва раводиди Вазорати корҳои дохилии Русия ифтитоҳ шавад. Ҳамчунин, дар чаҳорчӯби ин сафар ба Тоҷикистон музокироти намояндагони Русия ва Тоҷикистон дар бораи масоили муҳоҷират дар назар аст.
Эмомалӣ Раҳмон дар ҷараёни сафараш ба Маскав рӯзҳои 8-9 май пешниҳод кард, ки масъалаи муҳоҷират дар мулоқот бо Владимир Путин, раиси ҷумҳури Русия баррасӣ шавад. Дафтари матбуоти раисиҷумҳури Тоҷикистон пас аз мулоқот бо раҳбари Русия хабар дод, ки ҳайатҳои баландпояи ду кишвар ба зудӣ дар ин мавзӯъ музокирот хоҳанд кард.
ТАСС хабар медихад.
Акс: аз архив
