Ширкати алюминиюми тоҷик Талко қасд дорад, аз ҳисоби харидории таҷҳизот дар Русия ба маблағи 1,5 миллиард рубл тавлидоти худро афзоиш диҳад. Дар ин бора Павел Дик, мудири бахши иқтисод ва кадрҳои ширкат дар ҷаласаи «Муколамаи саноатӣ Русия – Тоҷикистон» дар ҳамоиши «Русия – ҷаҳони ислом: KazanForum 2024» хабар дод.
Ба гуфтаи ӯ, ҳамкориҳои ширкати Талко ва ширкати муҳандисии Русия «УЗТМ-КАРТЭКС» ба манзури афзоиши ҳаҷми тавлидот роҳандозӣ шудааст. Пас аз чанд марҳалаи гуфтушунидҳо дар бораи истеҳсол ва таҳвили 200 маҷмӯи гилифи металлӣ барои электролизерҳои алюминий ба маблағи умумии тақрибан 1,5 миллиард рубл созишномаҳо ҳосил шуданд.
Таҷҳизот дар ду марҳила таъмин карда мешавад. Ба кор даромадани 100 электролизер иқтидори истеҳсоли алюминийи корхонаро дар як сол 38 ҳазор тонна зиёд мекунад. Татбиқи марҳилаи дуюм боз 38 ҳазор тонна, дар маҷмӯъ 76 ҳазор тонна алюминий дар як сол зам мешавад.
ТАСС хабар медихад.
Акс: аз манбаъҳои кушода
