Аз 15 то 22 май дар шаҳрҳои Шинҷон ва Шэнси Чин ҳамоиши омӯзиш ва табодули маҳорати раҳбарӣ миёни ҷавонони Чин ва Осиёи Марказӣ баргузор мешавад. Дар ин чорабинӣ як гурӯҳ ҷавонони тоҷик ширкат мекунанд.
Барои ширкат дар ҳамоиш 5 нафар намояндагони Кумитаи кор бо ҷавонон ва варзиши назди Ҳукумати Ҷумҳурии Тоҷикистон, Иттиҳоди ҷавонони Тоҷикистон ва дигар созмонҳои ҷамъиятӣ ба Чин рафтанд.
Ҳадаф аз баргузории ҳамоиш рушди малакаҳои роҳбарӣ, таҳкими ҳамкорӣ дар соҳаҳои сиёсат, варзиш, илм, маориф, фарҳанг, саноат, сайёҳӣ, технологияҳои коммуникатсионӣ, инчунин рушди ҳамкориҳои байналмилалӣ байни ҷавонони Чин ва Осиёи Марказӣ мебошад. .
Дар ин бора ба АМИТ «Ховар» бо истинод ба Кумитаи кор бо ҷавонон ва варзиши назди Ҳукумати Ҷумҳурии Тоҷикистон хабар медиҳад.
Акс: Кумитаи кор бо ҷавонон ва варзиши назди Ҳукумати Ҷумҳурии Тоҷикистон
