Раисиҷумҳури Тоҷикистон Эмомалӣ Раҳмон барои ширкат дар чорабиниҳои бахшида ба 79-умин солгарди Ғалаба дар Ҷанги Бузурги Ватанӣ ба Маскав рафт. Дар ин бора хадамоти матбуотии сарвари давлат хабар дод.
Эмомалӣ Раҳмон пас аз гузоштани гулчанбарҳо ба назди Оташи абадӣ дар Боғи Ғалаба ва ифтитоҳи маҷмааи ёдгорӣ дар Душанбе бо даъвати раисиҷумҳур Владимир Путин ба Русия парвоз кард. Раҳбари Тоҷикистон дар Маскав дар паради низомии Майдони Сурх ва дар нишасти ғайрирасмии сарони кишварҳои ИДМ ширкат хоҳад кард.
Владимир Путин рӯзи 3 май дар як сӯҳбати телефонӣ Эмомалӣ Раҳмонро ба нишасти ғайрирасмии сарони кишварҳои ИДМ ва таҷлили Рӯзи Ғалаба дар Маскав даъват кард. Барномаи вохӯриҳои дар пешистода низ мувофиқа карда шуд.
Зимни суҳбат раҳбарон масъалаҳои кунунии ҳамкориҳои ду кишвар, бахусус дар соҳаи муҳоҷирати меҳнатиро баррасӣ карданд. Онҳо ба мувофиқа расиданд, ки ба идораҳои дахлдор супориш дода шавад, ки корҳоро дар ин самт пурзӯр кунанд.
Илова бар ин, ҷонибҳо ҳамоҳангии зичи мақомоти ҳифзи ҳуқуқ ва хадамоти иктишофиро дар мубориза бо терроризм, ифротгароӣ ва зуҳуроти ҷиноятҳои муташаккили фаромиллиро қайд карданд. Онҳо аҳамияти таҳкими ҳамкориро дар ин самт таъкид карданд.
ТАСС хабар медихад.
Акс: аз манбаъҳои кушода
