Бино ба иттилои нашршуда дар сомонаи расмии Федератсияи байнулмилалии дзюдо (IJF), беш аз 390 варзишгар аз 65 кишвари ҷаҳон, ки панҷ қитъаи ҷаҳонро намояндагӣ мекунанд, барои ширкат дар мусобиқаи «Душанбе Grand Slam-2024» номнавис шудаанд.
Бино ба иттилоъи федерасиюни дзюдои Тоҷикистон, беш аз 200 варзишгар дар осоишгоҳи «Шоҳамбарӣ» ҷойгир шуда, боқимондаҳо меҳмонхонаҳои шаҳри Душанберо интихоб намуда, барои зиндагӣ ва тамрини онҳо шароити хуб фароҳам овардаанд.
Аз 3 то 5 майи соли 2024 дар Муассисаи давлатии «Қасри теннис ва Маҷмааи варзиши обӣ» барои нахустин бор дар таърих Мусобиқаи байналмилалии дзюдо «Душанбе Grand Slam 2024» баргузор мешавад.
Пешниҳоди раиси шаҳри Душанбе, муҳтарам Рустами Эмомалӣ ва Федератсияи дзюдои Тоҷикистон дар бораи баргузории яке аз мусобиқоти тури ҷаҳонии дзюдо «Гранд Слем» дар пойтахти Тоҷикистон аз ҷониби Федератсияи байналмилалии дзюдо (IJF) пазируфта шуд. .
Беҳтарин дзюдочиёни ҷаҳон пеш аз Бозиҳои олимпии Париж-2024 барои ширкат дар мусобиқаи «Душанбеи Grand Slam-2024» ба Душанбе меоянд ва дар он ҷо барои дарёфти холҳо ва рейтингҳои олимпӣ мубориза мебаранд.
Дар ин бора ба АМИТ «Ховар» хабар медидад.
Акс: АМИТ «Ховар»
