Бино ба маълумоти Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон, бо истинод ба Агентии обуҳавошиносии кишвар, рӯзҳои 4-5 майи соли 2024 дар баъзе ноҳияҳои Тоҷикистон боришоти шадид дар назар аст.
Дар ноҳияҳои кӯҳии тобеи ҷумҳурӣ, вилоятҳои Суғду Хатлон ва дар ноҳияи Дарвози Вилояти Мухтори Кӯҳистони Бадахшон боридани раъду барқ ва жола эҳтимол дорад. Суръати шамол ба 15-20 м/с мерасад.
3 май дар ноҳияҳои кӯҳии тобеи ҷумҳурӣ ва 4-5 май дар аксари ноҳияҳои ҷумҳурӣ, инчунин дар ноҳияҳои кӯҳии вилояти Суғд ва баъзе ноҳияҳои вилояти Хатлон омадани сел дар назар аст.
Рӯзҳои 4-5 май аз ҳисоби боришот баланд шудани сатҳи оби дарёҳои Ёхсу, Қизилсу ва дигар дарёҳо, ки аз нишебиҳои ҷанубии қаторкӯҳҳои Ҳисор ҷорӣ мешаванд, дар назар аст.
Дар робита ба ин, Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон ба аҳолӣ тавсия медиҳад, ки аз сафар аз ағбаҳо ва роҳҳои кӯҳӣ, сайру гашт дар кӯҳҳо, ҷамъоварии занбурўғ, гиёҳҳои шифобахш, ҳезум, моҳидорӣ ва шикор худдорӣ намоянд дар ин рӯзхо.
АМИТ «Ховар» хабар медихад
Акс: аз манбаъҳои кушода
