Мақомоти Фаронса қасд доранд, як додситонии алоҳида барои таҳқиқи парвандаҳои марбут ба ҷиноятҳои созмонёфта дар кишвар таъсис диҳанд. Дар ин бора вазири адлияи Фаронса Эрик Дюпон-Моретти дар мусоҳиба бо рӯзномаи La Tribune de Dimanche хабар дод.
«Ман барои пурзур намудани муборизаи зидди чинояткории муташаккил, хусусан ба мукобили элитаи он накшаи азими чорабинихоро тартиб дода истодаам. Ман тасмим гирифтам, ки Прокуратураи миллии мубориза бо ҷиноятҳои муташаккилро таъсис диҳам», — гуфт у.
Вазир афзуд, ки ин додситонӣ механизмҳои мавҷудаи мубориза бо гурӯҳҳои муташаккили ҷиноиро иваз намекунад, балки ба он даъват карда мешавад, ки «ҳамоҳангсозии амалҳои судиро беҳтар ва муассиртар кунад». Ба гуфтаи ӯ, ин иқдомро таҷрибаи мусбати кор тавассути ниҳодҳои тахассусӣ, аз қабили Додситонии миллии зиддитеррористӣ ё Додситонии миллии молия низ тақозо мекунад.
Акс: аз манбаъҳои кушода
