Дар Минск 26-умин Намоишгоҳи байналмилалии хидматрасонии сайёҳии «Таътил-2024» баргузор гардид. Дар он иқтидори сайёҳии Тоҷикистон муаррифӣ гардид, ки онро Сафири Фавқулода ва Мухтори Ҷумҳурии Тоҷикистон дар Ҷумҳурии Беларус Бахтовар Сафарзода муаррифӣ намуд.
Ба меҳмонони намоишгоҳ дар бораи соҳаи сайёҳии босуръат рушдёбандаи Тоҷикистон, дар бораи шароит барои қабули меҳмонони хориҷӣ ва сармоягузорӣ муҳайё карда шуд. Ҳамчунин зикр гардид, ки Тоҷикистон як ҷозибаи сайёҳии замони мост, зеро он на танҳо мероси густурдаи фарҳангиву таърихӣ, балки мавқеъи мусоиди ҷуғрофӣ бо манзараҳои гуногуни табиӣ, минтақаҳои истироҳатӣ, олами набототу ҳайвоноти нотакрор дорад.
«Истирохат» — ин бузургтарин намоишгоҳи сайёҳӣ дар Беларус дар категорияи «Сайёҳӣ ва фароғат» мебошад. Дар он ҳамасола то 300 ширкат аз кишварҳои ИДМ ва кишварҳои хориҷӣ ширкат меварзанд.
Дар ин бора ба АМИТ «Ховар» бо истинод ба Сафорати Ҷумҳурии Тоҷикистон дар Ҷумҳурии Беларус хабар медиҳад.
Акс: Сафорати Ҷумҳурии Тоҷикистон дар Ҷумҳурии Беларус
