Бино ба маълумоти Вазорати нақлиёти Ҷумҳурии Тоҷикистон, дар семоҳаи аввали соли 2024 нақлиёти роҳи оҳан 75,7 фоизи ҳаҷми умумии бор дар логистикаи байналмилалии кишварро ташкил додааст.
Дар се моҳи соли 2024 тавассути роҳи оҳан 1 миллиону 687 ҳазор тонна бор ва 95,8 ҳазор мусофир интиқол дода шудааст, ки нисбат ба ҳамин давраи соли гузашта 5,7 фоиз ва нисбат ба ҳамлу нақли мусофирон 100,2 фоиз зиёд мебошад. Таҳлили нақлиёти байналмилалӣ нишон медиҳад, ки 92,1 фоизи онхо ба импорт, 4,6 фоизаш ба экспорт ва 3,3 фоизаш боркашонии махаллй (дохилй) рост меояд.
Дар ин давра бо мақсади баланд бардоштани сатҳу сифати хизматрасонӣ дар корхонаҳои таъмири Корхонаи воҳиди давлатии «Роҳи оҳани Тоҷикистон» 32 вагон (30 бор ва 2 мусофир) аз таъмири асосӣ бароварда шуда, 97 вагон (96 бор ва 11 пассажир) аз таъмири асосй бароварда шуданд. Ҳамчунин, ба маблағи 2 миллиону 410 ҳазор сомонӣ корҳои таъмири хатти роҳ, баланд бардоштан ва иваз кардани рельсҳо анҷом дода шуданд.
Сарфи назар аз ин тадбирхо фарсуда шудани вагону локомотивхо барои корхона проблемаи чиддие бокй мемонад.
Дар ин бора ба АМИТ «Ховар» хабар медидад.
Акс: аз манбаъҳои кушода
