Дар доираи Рӯзҳои синамои Узбакистон ҳайати Ҷумҳурии Ӯзбекистон бо маҷмааи «Истиқлол», Осорхонаи миллии Тоҷикистон ва Боғи фарҳангу фароғати ба номи Алишери Навоӣ дар пойтахт шинос шуданд. Мехмонон аз гул-гулшукуфии пойтахт — шахри гул-гулшукуфон — Душанбе ва зебоии богу хиёбонхои он изхори мафтунй карданд. Майдони Истиқлол, ки дар даврони истиқлолият бунёд ёфтааст, низ таассуроти хуб бахшид.
Дар Осорхонаи миллӣ меҳмонон бо таърих, фарҳанг ва экспонатҳои таърихии миллати тоҷик, ки таърихи он беш аз шаш ҳазор сол пеш меравад, шинос шуданд.
Сипас, дар Боғи фарҳангу фароғати ба номи Алишери Навоӣ меҳмонон ба пояи муҷассамаи Мавлоно Абдураҳмон Ҷомӣ ва Мир Алишер Навоӣ гулчанбар гузошта, хотираи ин олимони барҷастаро гиромӣ доштанд.
Ёдовар мешавем, ки аз 15 то 20 апрел дар шаҳри Душанбе Рӯзҳои синемои Узбакистон дар сатҳи баланд баргузор мешаванд. Дар ин рузхо дар кинотеатрхо ва касрхои маданият фильмхои бадеии «Абдулло Орипов», «Судья», «Давлат» ва «Зинда бод зан!» намоиш дода мешаванд.
Рӯзҳои синамои Ӯзбекистон рӯзи 16 апрел соати 17:00 дар кинотеатри «Наврӯз» бо намоиши филми «Абдулло Орипов» оғоз мешавад.
Дар ин бора ба АМИТ «Ховар» бо истинод ба Муассисаи давлатии «Тоҷикфилм» хабар медиҳад.
Акс: Муассисаи давлатии «Тоҷикфилм»
