Рӯзи 12 апрел дар Душанбе вазири саноат ва технологияҳои нави Ҷумҳурии Тоҷикистон Шералӣ Кабир ва муовини вазири саноат ва савдои Федератсияи Русия Алексей Груздев масоили ҳамкориро баррасӣ карданд. Зимни мулоқот натиҷаҳои музокироти сатҳи олии Президенти Ҷумҳурии Тоҷикистон, муҳтарам Эмомалӣ Раҳмон ва Президенти Федератсияи Русия Владимир Путин, ки соли 2023 дар Маскав ва 21 феврали соли 2024 дар Қазон баргузор шуданд , чамъбаст карда шуданд.
Иштирокчиёни вохӯрӣ бар зарурати таъсиси паркҳои саноатии муштараки инноватсионӣ, таҳкими ҳамкориҳои саноатӣ байни корхонаҳои ду кишвар ва муаррифии маҳсулоти ватанӣ дар чорабиниҳое, ки якҷоя баргузор мешаванд, таъкид намуданд.
Акс: аз манбаъҳои кушода
