Дар Тоҷикистон хатари фурӯ рафтани тармаҳои барфӣ, сангпораҳо, ях ва туман дар минтақаҳои кӯҳӣ ва наздикӯҳӣ боқӣ мондааст. Қитъаҳои роҳи автомобилгарди Душанбе-Чанак (48-71 км) ва ноҳияҳои ғарбии Вилояти Мухтори Кӯҳистони Бадахшон махсусан хатарнок мебошанд.
Кумитаи ҳолатҳои фавқулодда ва мудофиаи шаҳрвандӣ ба сокинон тавсия медиҳад, ки ба минтақаҳои хатарнок ташриф наоранд, ҳезум, гиеҳҳои шифобахш ҷамъоварӣ накунанд ва шикор накунанд. Ронандагоне, ки дар роҳҳои кӯҳӣ ҳаракат мекунанд, бояд масофаи байни мошинҳоро қатъиян риоя кунанд ва хеле бодиққат бошанд.
Кумита инчунин ба сокинони минтақаҳои кӯҳӣ дар бораи зарурати тоза кардани боми хонаҳои хусусӣ аз барф ва ях барои пешгирии осеби сақф хотиррасон мекунад.
Ба бехатарии кӯдакон диққати махсус дода мешавад. Аз волидоне, ки дар минтақаҳои хатарнок зиндагӣ мекунанд, хоҳиш карда мешавад, ки кӯдаконро беназорат нагузоранд ва онҳоро аз хатарҳои эҳтимолӣ огоҳ кунанд.
Акс: аз архив
