9 январ президенти Ҷумҳурии Тоҷикистон Эмомалӣ Раҳмон бо роҳбарони нави прокуратураи Генералӣ, Вазорати мудофиа, гвардияи Миллӣ ва Кумитаи ҳолатҳои фавқулодда ва мудофиаи шаҳрвандӣ мулоқот кард.
Хадамоти матбуоти сарвари давлат хабар дод, ки ба ин вазифаҳои роҳбарикунанда кадрҳои ҷавон ва касбӣ таъин шудаанд, ки дар мақомот таҷриба доранд. Дар байни онҳо сардорони идораҳои прокуратураи Генералӣ, прокурорҳои шаҳру ноҳияҳои Хоруғ, Конибодом, Турсунзода, Рашт, Фархор, Носири Хусрав, Балҷувон, инчунин прокурорҳои ҳарбии гарнизони Бохтар ва Суғд.
Дар хайати фармондеҳии Вазорати мудофиа низ тағйироти кадрӣ ба амал омад. Командирҳои баъзе қисмҳои ҳарбӣ ва комиссарони ҳарбии як қатор шаҳру ноҳияҳо аз ҳисоби афсарони ботаҷриба, хатмкунандагони ду муассисаи олии таълимии ҳарбӣ таъин карда шуданд. Онҳо вазифаҳои масъулиятнок ва роҳбарикунандаро ишғол карданд.
Дар ҷараени мулоқот масъалаҳои мубориза бо ҳуқуқвайронкуниҳои гуногун, аз ҷумла коррупсия ва муносибатҳои ғайриқонунӣ баррасӣ шуданд. Инчунин мавзӯъҳои таъмини фазои солим дар қисмҳои ҳарбӣ, омӯзиши забонҳои хориҷӣ, техника ва таҷҳизоти муосири ҳарбӣ, омодагии ҷисмонӣ ва баланд бардоштани сатҳи тарбияи ватандӯстонаи ҳайати шахсии қувваҳои Мусаллаҳ ба миен омаданд.
Акс: пресс-служба главы государства
