То соли 2025 дар нақлиети ҷамъиятӣ насби терминалҳои нави POS ба нақша гирифта шудааст.
Инчунин дар пойтахт аввалин микроавтобусҳои «Foton Toano» ба кор шурӯъ карданд. Ин автобусҳо барои 17 мусофир пешбинӣ шудаанд ва бо батареяи 80-киловаттӣ муҷаҳҳаз карда шудаанд, ки қодир аст тақрибан 350 километрро бе пуркунӣ тай кунад.
Тавре Президенти Тоҷикистон Муҳтарам Эмомалӣ Раҳмон дар паеми худ ба Маҷлиси Олии Ҷумҳурии Тоҷикистон қайд намуданд, барои ноил шудан ба ҳадафҳои Стратегияи рушди иқтисоди «сабз» ҷиҳати бунеди нерӯгоҳҳои барқи обӣ дар асоси манбаъҳои барқароршавандаи энергия тадбирҳои амалӣ андешидан зарур аст. То соли 2030 ба нақша гирифта шудааст, ки иқтидори алтернативии истеҳсоли энергияи сабз то 1000 мегаватт, аз ҷумла бо истифода аз захираҳои офтобӣ ва шамол зиед карда шавад.
Сарвари давлат таъкид намуданд, ки бо татбиқи ин тадбирҳо то соли 2032 истеҳсоли нерӯи барқ дар мамлакат аз ҳисоби манбаъҳои барқароршаванда, яъне 100 фоиз бо энергияи «сабз» пурра таъмин карда мешавад (ҳоло ин нишондиҳанда 98 фоизро ташкил медиҳад). Дар ин замина, тибқи стандартҳои байналмилалӣ, то соли 2037 партовҳои газҳои гармхонаӣ ба ҳадди аққал расонида мешаванд.
«Тоҷикистон ҳамчун давлати пешбари ҷаҳон оид ба рушди иқтисоди «сабз» дар соли 2037 воқеан ба кишвари «сабз» табдил меебад», — Президенти Ҷумҳурии Тоҷикистон қайд намуд.
Пешвои миллат ҳамчунин борҳо таъкид намуданд, ки барои мутобиқ гардонидани иқтисоди миллӣ ба тағйиребии иқлим, ҳифзи муҳити зист ва беҳтар намудани вазъи экологии мамлакат воридоти мошинҳои барқӣ бояд аз пардохтҳои андоз ва гумрукӣ пурра озод карда шавад. Дар робита ба Ин, Ҳукумати мамлакат ҷиҳати тадриҷан ба вуҷуд овардани инфрасохтор ва дигар шароити зарурӣ барои истифодаи чунин воситаҳои нақлиет дар қаламрави мамлакат тадбирҳо меандешад.
АМИТ «Ховар» бо истинод ба Вазорати нақлиети Ҷумҳурии Тоҷикистон хабар медиҳад.
Акс: аз манбаъҳои кушода
