7 январ мулоқоти сафири Фавқулодда ва Мухтори Тоҷикистон дар Русия Давлатшоҳ Гулмаҳмадзода бо директори намоишгоҳи байналмилалии сайеҳии «MITT» Максим Шилов баргузор шуд.
Дар ҷараени мулоқот масъалаҳои таҳкими ҳамкорӣ дар соҳаи сайеҳӣ байни ду кишвар баррасӣ шуданд. Аз ҷумла, иштироки ҳайати тоҷикистон дар намоишгоҳи байналмилалии сайеҳии «MITT», ки аз 18 то 20 марти соли 2025 баргузор мешавад, мавриди баррасӣ қарор гирифт. Дигар мавзӯъҳои мавриди таваҷҷӯҳи тарафайн низ баррасӣ шуданд.
Бояд қайд кард, ки солҳои охир Ҳукумати Ҷумҳурии Тоҷикистон ба рушди имкониятҳои сайеҳӣ диққати махсус медиҳад. Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон дар паеми худ ба Маҷлиси Олии Ҷумҳурии Тоҷикистон иброз доштанд, ки рушди соҳаи сайеҳӣ яке аз самтҳои афзалиятноки сиесати иқтисодӣ мебошад.
Иштироки ширкатҳои сайеҳии тоҷикистонро дар Маскав метавон ҳамчун яке аз чорабиниҳои муҳим ва саривақтӣ дар ин самт арзебӣ кард.
Хабар медихад АМИТ«Ховар» бо истинод ба Сафорати Тоҷикистон дар Русия
Акс: Сафорати Тоҷикистон дар Русия
