Дар Душанбе гурӯҳи муташаккили ҷиноятии панҷнафара, ки бо қочоқи маводи мухаддир машғул буданд, боздошт шуд. Ба иттилои хадамоти матбуоти идораи пойтахти Вазорати Корҳои дохилии Ҷумҳурии Тоҷикистон, аз онҳо 127 кг маводи мухаддир гирифта шудааст.
Ҷинояткоронро кормандони шӯъбаи ҷустуҷӯи ҷиноятии идораи ВКД дар шаҳри Душанбе дастгир карданд. Дар ҷараени амалиет миқдори зиеди маводи мухаддир ошкор ва мусодира карда шуд, аммо намуди онҳо мушаххас карда нашудааст. Тибқи маълумоти мақомоти ҳифзи ҳуқуқ, ҷинояткорон дар ҳабс қарор доранд ва дар ин бора парвандаи ҷиноятӣ оғоз карда шудааст, ҳоло тафтишот идома дорад.
Тибқи Иттилои Агентии назорати маводи мухаддири назди президенти Тоҷикистон, дар нимсолаи аввали соли 2024 мақомоти ҳифзи ҳуқуқи ҷумҳурӣ беш аз се тонна маводи мухаддирро мусодира кардаанд, ки нисбат ба ҳамин давраи соли 2023 25 фоиз зиед мебошад. Аксари маводи мухаддир аз Афғонистони ҳамсоя ба ҷумҳурӣ ворид мешаванд.
ТАСС хабар медихад.
Акс: аз манбаъҳои кушода
