Аз аввали соли 2025 дар Тоҷикистон назорати ҳаракати мошинҳои вазнин дар роҳҳо пурзӯр карда мешавад.
Барои ин ба Кодекси нақлиети автомобилии Ҷумҳурии Тоҷикистон тағйирот ворид карда шуд. Акнун ронандагон вазифадоранд, ки бо талаби шахси мансабдор аз рӯи вазн ва андоза назорат кунанд. Дар сурати вайрон кардани қоидаҳои боркунӣ дар воситаҳои нақлиет, борфиристонандагон ба ҷавобгарии маъмурӣ кашида мешаванд.
Ҳамчунин дар моддаи 52 Қонуни Ҷумҳурии Тоҷикистон «Дар бораи роҳҳои автомобилӣ ва фаъолияти роҳҳо» зикр шудааст, ки меъерҳо аз рӯи вазн ва андозаи воситаҳои нақлиет бояд риоя карда шаванд.
Санадҳои меъерии ҳуқуқии танзимкунандаи соҳаи роҳҳо барои истифодаи оқилона ва самараноки роҳҳо такмил дода шуданд. Ҳамаи истифодабарандагони роҳҳо бояд меъерҳои муқарраргардидаро риоя кунанд.
Дар Паеми Президенти мамлакат Муҳтарам Эмомалӣ Раҳмон ба Маҷлиси Олӣ зикр гардид, ки дар баробари бунеду ба истифода додани роҳҳо масъалаи муҳим истифодаи самаранок ва дар ҳолати хуб нигоҳ доштани онҳо мебошад. Дар робита ба ин, ҷорӣ намудани механизми назорати рақамии ҳаракати нақлиети боркаш муҳим аст.
Дар ин бора ба АМИТ «Ховар» бо истинод ба Вазорати нақлиёти Тоҷикистон хабар медиҳад.
Акс: аз манбаъҳои кушода
