Мутахассисони маркази Миллии тиббии Тоҷикистон «Шифобахш» якҷоя бо ҳамкоронашон аз Маркази Ташхисӣ ва табобатии «Дастаи Дил» ҷарроҳии муолиҷаи бемориҳои мағзи сарро бомуваффақият анҷом доданд. Ин як гурӯҳи патологияҳоест, ки бо ихтилоли гардиши мағзи сар ва тағиребии патологии рагҳои мағзи сар алоқаманданд.
Ба бемори шонздаҳсола аз ноҳияи Мир Сайид Алии Ҳамадони, ки ҳангоми афтидан ба сараш ҷароҳати ҷиддӣ бардошта буд, ҷарроҳии эндоскопии бе буридан бомуваффақият гузаронида шуд. Дар ҷараени ҷарроҳӣ осебҳои аз ҷароҳати сар ва мағзи сар бардошташуда бартараф карда шуданд.
Ба гуфтаи ҷарроҳи нейрохирурги маркази Миллии тиббии Шифобахш Субхониддин Баходуров, ки дар ҷарроҳӣ иштирок кардааст, ташхис нишон дод, ки дар бемор артерияи калони мағзи сар осеб дидааст, ки бо рагҳо пайваст шудааст. Ин боиси нобиноӣ, варам ва сурх шудани чашм ва хунравии шадиди бинӣ ва даҳон гардид.
Чунин бемориҳо одатан ҳангоми осеби косахонаи сар, хусусан ҳангоми шикастани устухонҳои асосии косахонаи сар ба амал меоянд. Ин аст сабаби нишонаҳои бемор.
Субхониддин Баходуров қайд кард, ки чунин амалиетҳо мураккаб ва аз ҷиҳати техникӣ душвор мебошанд, алахусус ҳангоми осеби рагҳои калони мағзи сар. Пештар чунин амалиетҳо дар кишвар гузаронида нашуда буданд ва беморон е ба клиникаҳои хориҷӣ муроҷиат мекарданд е мутахассисони хориҷӣ барои гузаронидани онҳо даъват карда мешуданд.
Аммо ба шарофати таҷҳизоти муосири тиббӣ табибони тоҷик акнун метавонанд чунин ҷарроҳии мураккаби нейрохирургиро дар кишвари худ бомуваффақият анҷом диҳанд.
Дар айни замон, вазъи бемор мӯътадил аст, ҳама шикоятҳое, ки пеш аз ҷарроҳӣ буданд, пурра бартараф карда шуданд ва ӯ барои ба хона баромадан омода мешавад.
НИАТ «Ховар» бо истинод ба маркази Матбуотии Вазорати тандурустӣ ва ҳифзи иҷтимоии аҳолии ҶТ хабар медиҳад.
Акс: Вазорати нигахдории тандурустй ва хифзи социалии ахолии ҶТ
