Дар доираи сафар ба пойтахти Тоҷикистон, шаҳри Душанбе намояндагони ҷомеаи меъморӣ ва сохтмонии вилояти Фарғонаи Ҷумҳурии Узбекистон бо таҷрибаи шаҳрсозӣ ва меъморӣ шинос шуданд.
Тибқи иттилои манбаъ, 18 декабр ҳайатро Ҷамшед Табарзода, муовини аввали раиси шаҳри Душанбе қабул кард. Дар ҷараени мулоқот масъалаҳои ҳамкорӣ дар соҳаи меъморӣ, шаҳрсозӣ ва табодули таҷриба байни шаҳрҳо баррасӣ шуданд. Инчунин аҳамияти таҳкими муносибатҳои байни ҳайатҳо барои омӯзиши минбаъдаи таҷрибаи якдигар қайд карда шуд.
Роҳбарияти шаҳри Душанбе омодагии худро барои идомаи ҳамкорӣ бо ҳамаи минтақаҳои кишвари ҳамсоя ва дӯстонаи Ҷумҳурии Узбекистон изҳор намуданд.
Ҷамшед Табарзода, муовини аввали раиси шаҳр, таъкид кард: «Мо барои ҳамкорӣ бо ҷонибҳои манфиатдор дар соҳаи мубодилаи таҷрибаи шаҳрсозӣ бо таваҷҷӯҳ ба консепсияи”шаҳри сабз» кушодаем.
Сафари ҳайати меъморон ва сохтмончиени вилояти Фарғонаи Ҷумҳурии Узбекистон ба Душанбе то 19 декабр идома ефт.
АМИТ «Ховар» бо истинод ба мақомоти иҷроияи ҳокимияти давлатии шаҳри Душанбе хабар медиҳад.
Акс: Мақомоти иҷроияи ҳокимияти давлатии шаҳри Душанбе
