Дар доираи ҳамкории дуҷониба мутахассисони ширкати «ELIF TRADING CO. LIMITED» аз Ҷумҳурии Мардумии Чин ба корхонаи воҳиди давлатии «Тоҷикаэронавигация» ташриф оварданд.
Ҳангоми боздид аз ҷойҳои кории диспетчерҳо ва иштироки бевоситаи парвозҳо, тибқи нақшаи баҳодиҳии қобилияти гузариши бахшҳои ташкили ҳаракати ҳавоӣ, мутахассисон шароити хидматрасонии ҳаракати ҳавоӣ, схемаи фазои ҳавоӣ, шумора ва хусусиятҳои хатсайрҳои ҳавоӣ, қоидаҳои парвоз (SID/STAR), қоидаҳои хидматрасонии ҳаракати ҳавоӣ, хусусиятҳои тақсимоти ҳавопаймоҳо аз рӯи масофа ва хусусиятҳои ҳамкорӣ бо хадамоти фурудгоҳҳои байналмилалии Ҷумҳурии Тоҷикистонро омӯхтанд. Ин омилҳо қобилияти диспетчерҳоро барои хидмат ба шумораи муайяни ҳавопаймоҳо дар як соат муайян мекунанд.
Барои татбиқи бомуваффақияти нақша бо шахси масъули фурудгоҳи Байналмилалии Душанбе, сардорони марказҳои танзими аэродромҳои филиалҳои корхона дар шаҳрҳои Кӯлоб ва Бохтар, инчунин диспетчери калони маркази танзими аэродромҳои филиали корхона дар Хуҷанд гуфтушунидҳои алоҳида гузаронида шуданд. Дар ҷараени гуфтушунидҳо баъзе ҷанбаҳои истеҳсоли парвозҳо ва усули муайян кардани ҷойҳои таваққуфи ҳавопаймоҳо мушаххас карда шуданд.
АМИТ «Ховар» бо истинод ба корхона хабар медиҳад.
Акс: ГУП «Таджикаэронавигация»
