13 декабр дар Исломобод Мулоқоти Сарвазири Ҷумҳурии Исломии Покистон Шаҳбоз Шариф бо Далер Ҷумъа, Вазири энергетика ва захираҳои оби Ҷумҳурии Тоҷикистон, ки ҳамчунин ҳамраиси комиссияи муштараки ҳамкориҳои тиҷоративу иқтисодӣ ва илмию техникии ду кишвар мебошад, баргузор гардид.
Дар ҷараени сӯҳбат ҷонибҳо дурнамои таҳкими муносибатҳоро дар соҳаҳои гуногун, аз ҷумла тиҷорат, сармоягузорӣ, нақлиет, энергетика ва маориф баррасӣ карданд. Онҳо инчунин аҳамияти саривақт ба итмом расонидани лоиҳаи CASA-100-ро қайд карданд, ки аҳамияти минтақавӣ дорад.
Шаҳбоз Шариф аз пешрафти ҳамкории дуҷонибаи байни кишварҳо дар доираи комиссияи муштарак изҳори қаноатмандӣ кард. Вай инчунин қайд кард, ки еддоштҳои тафоҳум ва созишномаҳое, ки дар ҷараени сафар ба имзо расидаанд, ба таҳкими минбаъдаи робитаҳои дуҷониба мусоидат хоҳанд кард.
Едовар мешавем, ки ин вохӯрӣ дар доираи ҷаласаи ҳафтуми комиссияи муштарак оид ба ҳамкориҳои тиҷоративу иқтисодӣ ва илмию техникӣ байни Ҷумҳурии Тоҷикистон ва Ҷумҳурии Исломии Покистон баргузор гардид.
АМИТ «Ховар» хабар медихад
Акс: Вазорати энергетика ва захираҳои оби Ҷумҳурии Тоҷикистон
