Дар ҷараени раесати худ двр ИДМ дар соли 2025 Тоҷикистон ба нақша гирифтааст, ки раванди ҳамоҳангсозии ҳуҷҷатҳои марбут ба муҳоҷирати меҳнатиро дар доираи созмон суръат бахшад. Дар ин бора сарвазири Тоҷикистон Кохир Расулзода дар мулоқоти сарони ҳукуматҳои ИДМ дар Маскав изҳор дошт.
Вай таъкид кард, ки муҳоҷират ва танзими соҳаи меҳнат самтҳои асосии ҳамкориҳои байни кишварҳои иштирокчӣ хоҳад буд.
«Барои суръат бахшидан ба ҳамоҳангсозии лоиҳаҳое, ки муддати тӯлонӣ дар марҳилаи муҳокима қарор доранд, чораҳо андешида мешаванд. Сухан дар бораи консепсияи ташаккули марҳилавии бозори умумии меҳнат ва танзими муҳоҷирати қувваи кории давлатҳои иштирокчии ИДМ, инчунин созишнома дар бораи эътирофи мутақобилаи ҳуҷҷатҳои муҳоҷирони меҳнатии давлатҳои иштирокчии ИДМ меравад», — сарвазир хабар дод.
Мулоқоти сарони ҳукуматҳои ИДМ таҳти раесати сарвазири Федератсияи Русия Михаил Мишустин дар маркази конгресси МГТУ ба номи Н. Э.Бауман баргузор мешавад. Соли 2024 Русия дар ИДМ раисӣ мекунад. Соли 2025 раесати Иттиҳод ба Тоҷикистон мегузарад. Ҷаласаи навбатии сарони ҳукуматҳои ИДМ 30 майи Соли 2024 дар Душанбе ба нақша гирифта шудааст.
ТАСС хабар медихад.
Акс: Пресс-служба Исполнительного комитета Содружества Независимых Государств
