Дар Вилояти Мухтори Кӯҳистони Бадахшон маросими тантанавии ҷоизасупории ғолибони озмунҳо дар соҳаи сайеҳӣ, ҳунарҳои мардумӣ ва занбӯри асалпарварӣ баргузор гардид. Се нафар иштирокчиен, ки аз номинатсияҳои гуногун намояндагӣ мекарданд, ба Гран-при ва ҷоизаҳои пулӣ дар ҳаҷми 5 ҳазор сомонӣ сазовор гардиданд.
Илова бар ин, иштирокчиени дигар бо дипломҳои дараҷаи якум, дуюм ва сеюм, инчунин тӯҳфаҳои хотиравӣ барои дастовардҳои худ дар соҳаҳои зерин: бофандагӣ, дӯзандагӣ, қолинбофӣ, дӯзандагии либоси миллӣ, истеҳсоли сувенирҳо ва асбобҳои мусиқӣ мукофотонида шуданд.
Зикр гардид, ки ҳанӯз соли 2006 бо дастури Президенти Ҷумҳурии Тоҷикистон Муҳтарам Эмомалӣ Раҳмон грантҳои Президентӣ барои баланд бардоштани сатҳу сифати зиндагии аҳолӣ, дастгирии устодони болаеқат, таъсиси ҷойҳои нави корӣ ва таъмини шуғли занони хонашин таъсис дода шуданд.
Дар айни замон дар маркази вилоят ва ноҳияҳои ГБАО 566 нафар бо усули «Мураббӣ — шогирд» ба ҳунармандӣ машғуланд. Ҳамчунин бо мақсади эҳе ва рушди ҳунарҳои мардумӣ Ассотсиатсияи ҳунармандони вилоят таъсис дода шуд, ки аъзои он 130 ҳунарманд мебошанд.
Дар ин бора ба АМИТ «Ховар» бо истинод ба Мақомоти иҷроияи ҳокимияти давлатии Вилояти Мухтори Кӯҳистони Бадахшон хабар дод.
АКС: макомоти ичроияи хокимияти давлатии вилояти автономии Бадахшони Кухй