Дар доираи мулоқоте, ки байни Вазири энергетика ва захираҳои оби Ҷумҳурии Тоҷикистон Далер Ҷумъа ва директори Генералии Идораи технологияҳои саноатии институти рушди технологияи Корея Лим Бюнг Ҳюк баргузор гардид, протокол оид ба сохтмони нерӯгоҳҳои офтобӣ ва дастгоҳҳои нигаҳдории энергия дар вилоятҳои мухтори Суғд ва Кӯҳистони Бадахшон ба имзо расид.
Мақсади асосии ин ҳуҷҷат беҳтар кардани таъминоти барқи сокинони минтақаҳои зикршуда мебошад.
Тибқи протокол, сохтмони нерӯгоҳҳои офтобӣ бо иқтидори 6 МВт ва дастгоҳҳои нигоҳдории энергия бо иқтидори 1 МВт/соат ба нақша гирифта шудааст.
Дар вилояти Суғд нерӯгоҳи барқи офтобӣ бо иқтидори 3 МВт бо захираи энергия бо иқтидори 0,5 МВт/соат сохта мешавад. дар вилояти мухтори Кӯҳистони Бадахшон низ нерӯгоҳи барқи офтобӣ бо иқтидори 3 МВт бо захираи энергия бо иқтидори 0,5 МВт/соат сохта мешавад.
Дар ин бора ба АМИТ «Ховар» бо истинод ба вазорат хабар медиҳад.
Акс: Вазорати энергетика ва захираҳои оби Ҷумҳурии Тоҷикистон
