Дар Самарқанд чорабиниҳои омӯзишӣ оғоз гардиданд, ки ба рушди салоҳиятҳои идоракунӣ дар соҳаи тандурустӣ, таҳкими иқтидори кадрӣ дар Осиеи Марказӣ равона карда шудаанд. Ин курсҳо аз 25 ноябр то 29 ноябр давом мекунанд.
Барномаи таълимӣ тибқи нақшаи амалиети созмони умумиҷаҳонии тандурустӣ таҳия шудааст. Дар доираи ин нақша, намояндагони соҳаи тандурустӣ аз кишварҳои гуногуни ҷаҳон мубодилаи таҷриба ва афкор мекунанд.
Ҳадафи курсҳо баррасии масъалаҳои роҳбарӣ ва идоракунии марбут ба захираҳои инсонии тандурустӣ мебошад. Иштирокчиен таҳияи сиесат ва стратегия, иттилоот ва иртибот ва татбиқи донишҳои навро муҳокима хоҳанд кард.
Барномаи таълим дар доираи нақшаи амалиёти СУТ барои солҳои 2023-2030 таҳия шудааст. Он инчунин ба талабот ва мушкилоти кишварҳои Осиеи Марказӣ дар соҳаи тандурустӣ мутобиқ карда шудааст.
Дар рафти омӯзиш масъалаҳои гуногун, аз ҷумла мушкилоти мушаххаси минтақаи Осиеи Марказӣ дар соҳаи тандурустӣ, инчунин баланд бардоштани фаҳмиши ТУТ, кодекси Ҷаҳонӣ ва татбиқи он дар амал баррасӣ шуданд.
Қобили зикр аст, ки дар чорабиниҳои таълимӣ роҳбарони як қатор муассисаҳои инфрасохтории Вазорати тандурустӣ ва ҳифзи иҷтимоии аҳолӣ иштирок мекунанд.
НИАТ «Ховар» бо истинод ба маркази Матбуотии Вазорати тандурустӣ ва ҳифзи иҷтимоии аҳолии Ҷумҳурии Тоҷикистон хабар медиҳад.
Акс: Вазорати тандурустӣ ва ҳифзи иҷтимоии аҳолии Ҷумҳурии Тоҷикистон
