Мақсади форум муҳокимаи вазъи кунунӣ ва масъалаҳои мубрами рақамикунонии хизматрасонии молиявии чакана ва саноат дар Ҷумҳурии Тоҷикистон мебошад.
Чорабинӣ бо дастгирии Агентии инноватсия ва технологияҳои рақамии назди Президенти Ҷумҳурии Тоҷикистон, бонки Миллии Тоҷикистон ва палатаи Савдо ва саноати Тоҷикистон ташкил карда шудааст.
Дар барномаи форум муҳокимаи ҷанбаҳои муҳимтарини рушди ҷомеаи рақамии Тоҷикистон, аз қабили зеҳни сунъӣ, ҳукумати электронӣ, дигаргунсозии бахши бонкӣ, технологияҳои молиявӣ, киберамният, савдои чакана ва хизматрасониҳои оммавии фосилавӣ. Ҳамчунин муҳокимаи ҳамкории онҳо барои суръат бахшидан ба рушди хизматрасониҳои давлатӣ, иқтисодиет ва рақамисозии Ҷумҳурии Тоҷикистон ба нақша гирифта шудааст.
Ба стартапҳо, қуттиҳои танзимкунанда ва ҳамгироии бонкҳо бо ширкатҳои телекоммуникатсионӣ диққати махсус дода мешавад.
Иштирокчиени форум метавонанд бо коршиносони пешбари технологияҳои молиявӣ мулоқот кунанд, ба дониш ва технологияҳои пешрафта дастрасӣ пайдо кунанд. Ин як имконияти хубест барои омӯхтани тамоюлҳои охирин аз дасти аввал.
Соҳибкорони Тоҷикистон метавонанд шарикону мизоҷони нав пайдо намуда, шабакаи тамосҳоро васеъ намуда, робитаҳои тиҷоратиро мустаҳкам намоянд. Онҳо инчунин метавонанд бо навовариҳои технологӣ ва навовариҳое, ки ояндаи технологияҳои молиявиро ташаккул медиҳанд, шинос шаванд.
Дар ин бора АМИТ «Ховар» хабар дод.
Акс: АМИТ «Ховар»
