Дар ҷаласаи Шӯрои амнияти дастаҷамъии Созмони Аҳдномаи амнияти дастаҷамъӣ (СААД), ки 28 ноябр дар Остона баргузор мешавад, барномаи таҳкими сарҳади тоҷикистону афғонистон тасдиқ карда мешавад. Дар ин бора дабири кулли СААД Имангали Тасмагамбетов дар мусоҳиба бо шабакаи телевизионии белорусӣ СТВ хабар дод.
«Имсол дар Шӯрои амнияти дастаҷамъӣ санади муҳим-барномаи мақсадноки байнидавлатӣ оид ба таҳкими сарҳади тоҷикистону афғонистон қабул карда мешавад. Ин аз он сабаб аст, ки масъалаи Афғонистон яке аз самтҳои асосии фаъолияти СААД мебошад», — Тасмагамбетов гуфт.
«Шумо хуб медонед, ки Афғонистон барои Осиеи Марказӣ то чӣ андоза муҳим аст, — гуфт котиби генералӣ. – Гарчанде ки вазъ дар кишвар ба эътидол омада, тадриҷан ба самти осоишта ҳаракат мекунад, дар каламрави Афғонистон то ҳол шумораи зиеди созмонҳои террористӣ боқӣ мондаанд ва ин бешубҳа як мушкили ҷиддӣ аст», — Тасмагамбетов таъкид кард.
Ба гуфтаи дабири кулли СААД, имзои ин барнома ба кишварҳои Созмони Аҳдномаи амнияти дастаҷамъӣ имкон медиҳад, ки ин қисмати марзро якҷоя мустаҳкам намуда, амнияти кишварҳои Осиеи Марказиро таъмин намоянд.
ТАСС хабар медихад.
Акс: аз архив
