Аз 24 то 27 ноябр дар Тоҷикистон чорабиниҳои бахшида ба фарҳанги Беларус баргузор мешаванд.
Мақсади ин чорабиниҳо таҳкими робитаҳои фарҳангии байни ду кишвар мебошад.
Ёдовар мешавем, ки Тоҷикистону Беларус 5 сентябри соли 1996 муносибатҳои дипломатӣ барқарор карданд. Соли 1997 сафорати Тоҷикистон дар Беларус кушода шуд ва соли 2011 сафорати Беларус дар Душанбе ба кор шурӯъ кард.
Робитаҳои фарҳангии Тоҷикистону Беларус фаъолона рушд мекунанд. Дар доираи таҳкими ин робитаҳо ва намояндагии мутақобилаи мероси фарҳангӣ ва ҳунарҳои ду кишвар Рӯзҳои фарҳанги Беларус дар Тоҷикистон солҳои 2007, 2015 ва 2018 ва Рӯзҳои фарҳанги Тоҷикистон дар Беларус солҳои 2008, 2016 ва 2021 баргузор гардиданд.
АМИТ «Ховар» бо истинод ба Вазорати фарҳанги Ҷумҳурии Тоҷикистон хабар медиҳад.
Акс: аз манбаъҳои кушода
