Дар доираи фестивали театрии кишвархои ИДМ «ГИТИС-мастер-класс» 15 ноябр мулоқоти намояндагони институти давлатии фарҳанг ва санъати Тоҷикистон ба номи Мирзо Турсунзода бо ректори институти давлатии кинематографии Русия ба номи С.Герасимов (ВГИК) Владимир Малышев баргузор шуд.
Ҳарду ҷониб изҳори хоҳиш карданд, ки ҳамкории байни муассисаҳои таълимӣ тақвият дода шавад. Онҳо имкониятҳои ҳамкорӣ, аз ҷумла омӯзиши кадрҳо ва мубодилаи таҷрибаро муҳокима карданд.
Ҳамчунин дурнамои таҳияи лоиҳаҳои муштарак, баргузории мастер-классҳо ва иштирок дар чорабиниҳое, ки дар Тоҷикистону Русия ташкил карда мешаванд, баррасӣ гардиданд.
Дар ин бора ба АМИТ «Ховар» бо истинод ба Сафорати Тоҷикистон дар Русия хабар медиҳад.
Акс: Сафорати Тоҷикистон дар Русия
