Зимни мулоқот, ки 11 ноябр дар Хуҷанд баргузор шуд, раиси вилояти Суғд бо намояндагони ҷомеаи тиҷоратии Чин имкони тавлиди нерӯи барқро аз партовҳо баррасӣ кард.
Зимни мулоқот раиси вилоят дар бораи имкониятҳои вилояти Суғд сухан ронда, омодагии худро ба ҳамкорӣ бо сармоягузорон изҳор намуд. Ӯ қайд кард, ки дар Тоҷикистон саноат фаъолона рушд карда истодааст ва вилояти Суғд метавонад шарики боэътимоди ширкатҳои хориҷие бошад, ки ба кушодани корхонаҳои нави саноатӣ манфиатдоранд..
Соҳибкорони тоҷик аллакай бо ҳамкорони чинӣ фаъолона ҳамкорӣ доранд ва ҳоло дар минтақа лоиҳаҳои гуногун амалӣ шуда истодаанд.
Намояндагони ҷониби чин қайд карданд, ки онҳо дар татбиқи лоиҳаҳои марбут ба истеҳсоли энергияи тоза таҷрибаи зиед доранд ва ба ҳамкорӣ дар ин соҳа изҳори манфиатдорӣ карданд. Ба гуфтаи сармоягузорони чинӣ, ширкати онҳо бо истифода аз технологияҳои пешрафта аз манбаъҳои барқароршаванда, аз қабили шамол ва офтоб ва партовҳо нерӯи барқ истеҳсол мекунад. Онҳо омодагии худро барои ҳамкорӣ бо вилояти Суғд дар ин самт иброз доштанд.
Пас аз муҳокима, иштирокчиени мулоқот ба хулосае омаданд, ки имкони тавлиди нерӯи барқ аз партовҳо дар Хуҷандро муфассалтар омӯхтан лозим аст.
Дар ин бора АМИТ «Ховар» бо такя ба дафтари матбуоти раиси вилояти Суғд хабар медиҳад.
Акс: хадамоти матбуоти раиси вилояти Суғд
