Дар давраи аз 11 то 16 ноябр дар Душанбе, Турсунзода ва Нурек лоиҳаи нави байналмилалии таълимӣ барои хонандагони синфҳои болоӣ ва омӯзгорон баргузор мегардад. Дар доираи марафони илмӣ на камтар аз 300 мактаббача ва 150 омӯзгор ба нақша гирифта шудааст.
Андрей Патрушев, роҳбари намояндагии Россотрудничество дар Тоҷикистон, дар ҷараени ифтитоҳи ҳафта дар мактаби русӣ-тоҷикии ба номи Гагарин қайд кард::
«Агентии Русия оид бакорхои ИДМ, ҳамватанони дар хориҷа зиндагӣкунанда ва ҳамкории байналмилалии гуманитарӣ (Россотрудничество) ҳафтаи математика, физика ва илмҳои компютерии Русияро дар якҷоягӣ бо донишгоҳи федералии Қафқози Шимолӣ мегузаронад. Ин донишгоҳ дар Тоҷикистон ба шарофати чорабиниҳои муштараки Мо маъруф аст. Ва ман боварӣ дорам, ки аввалин хатмкунандагони мактаби нави русияву тоҷикистон онро ҳамчун ҷои таҳсили минбаъда аз рӯи квотаҳои Ҳукумати Русия баррасӣ хоҳанд кард».
Дар давоми як ҳафта омӯзгорони донишгоҳи федералии Қафқози Шимолӣ барои иштирокчиен лексияҳои таълимӣ, мастер-классҳо ва дарсҳои интерактивӣ оид ба математика, физика ва информатика бо забони русӣ мегузаронанд.
«Лоиҳаҳои байналмилалии таълимии донишгоҳи мо барои ҷавонони кишварҳои гуногун таваҷҷӯҳи зиед доранд. Танҳо дар як соли охир чунин чорабиниҳо дар як қатор кишварҳои Закавказия ва Шарқи Наздик ташкил карда шуданд. Ман боварӣ дорам, ки гузаронидани ҳафтаи Математика, физика ва илмҳои компютерии Русия дар Тоҷикистон ба иштирокчиен барои ба даст овардани малакаҳои муҳим барои ояндаи муваффақ кӯмак хоҳад кард», — Дмитрий Беспалов, ректори донишгоҳи федералии Қафқози Шимолӣ таъкид кард.
Акс: Хонаи русӣ дар Тоҷикистон
