Дар Чин созишнома дар бораи пайвастани Академияи Миллии илмҳои Тоҷикистон ба Иттиҳоди донишгоҳҳои Роҳи Абрешим ба имзо расид.
Ин ҳодиса дар конфронси байналмилалӣ, ки аз 1 то 5 ноябр баргузор шуд, рух дод.
Дар рафти имзои созишнома зикр гардид, ки пайвастани академияи Миллии илмҳои Тоҷикистон ба Иттифоқи донишгоҳҳои Роҳи Абрешим ба густариши ҳамкориҳои илмӣ ва ошкор намудани олимони болаеқат мусоидат хоҳад кард.
Илова бар ин, шомилшавии академияи миллии илмҳои Тоҷикистон ба Иттиҳоди донишгоҳҳои Роҳи Абрешим марҳилаи нав дар рушди технологияҳои инноватсионӣ ва илмҳо буда, ба ҳалли мушкилоти ҷаҳонӣ мусоидат менамояд.
Мақсади густариши ҳамкорӣ бо муассисаҳои илмии дигар кишварҳо, пеш аз ҳама, муаррифии дастовардҳои илми ватанӣ мебошад.
Иттифоқи донишгоҳҳои Роҳи Абрешим ташкилотест, ки барои рушди ҳамкории байналмилалӣ дар соҳаи таҳсилоти олӣ ва мусоидат ба баҳсҳои минтақавӣ таъсис дода шудааст. Дар айни замон, ин созмон зиеда аз 200 донишгоҳи бонуфузро аз 40 кишвари ҷаҳон дар бар мегирад, ки дар соҳаҳои гуногун ҳамкорӣ мекунанд. Дар доираи ин ҳамкорӣ вохӯриҳои президентҳо, намоишгоҳҳои таълимӣ, машваратҳои илмӣ ва мубоҳисаҳо баргузор мешаванд.
Дар ин бора АМИТ «Ховар» хабар дод.
Акс: Академияи миллии илмҳои Тоҷикистон
