29-30 ноябр дар Душанбе конфронси байналмилалии «илмҳои Физикӣ ва техникӣ дар фазои ИДМ: мушкилот ва дурнамои рушд» баргузор мешавад. Дар ин бора донишгоҳи Физикаи Техникии ба номи С.Умарови Академияи миллии илмҳои Тоҷикистон хабар медиҳад.
Дар конфронс муҳокимаи доираи васеи мавзӯъҳои муҳим, аз ҷумла физикаи амалӣ ва назариявӣ, системаҳои динамикӣ, физикаи ҳолати конденсатсионӣ, нанотехнология ва маводҳои нав, энергетикаи барқароршаванда ва ғайрианъанавӣ, инчунин физикаи тиббӣ ва биологӣ ба нақша гирифта шудааст.
Дар конфронс олимон, мутахассисон ва коршиносон аз Русия, Беларус, Туркия, Узбекистон, Чин, Олмон ва дигар кишварҳо ширкат хоҳанд кард.
Ташкилкунандагон таъкид мекунанд, ки чунин чорабиниҳо барои рушди минбаъдаи таҳқиқоти бунедии илмӣ, таҳкими робитаҳои дуҷониба аҳамияти муҳим доранд ва яке аз манбаъҳои асосии ғояҳои инноватсионӣ барои пешрафти босуръат дар илм, истеҳсолот ва иқтисодиети ҷаҳони муосир мебошанд.
Акс: аз архив
