29 октябр дар Маскав форуми байналмилалии гумрукӣ баргузор шуд, ки дар доираи он хадамоти гумруки Тоҷикистон ва Русия «Созишнома дар бораи коридори соддашудаи гумрукӣ» – ро ба имзо расониданд.
Ҳуҷҷатро сардори хадамоти Гумруки Назди Ҳукумати Ҷумҳурии Тоҷикистон Хуршед Каримзода ва роҳбари хадамоти Гумруки Федералии Русия Валерий Пикалев имзо карданд.
Созишнома ба фароҳам овардани шароити мусоид барои тиҷорат байни шахсоне равона шудааст, ки фаъолияти онҳо тибқи қонунгузории ҳарду кишвар ба категорияи сатҳи пасти хавф, аз ҷумла иштирокчиени фаъолияти иқтисодии хориҷӣ (ФИХ) дохил мешавад. Он раванди интиқоли молро байни Тоҷикистон ва Русия ба таври назаррас суръат мебахшад.
Имсол дар чорабиниҳои барномаи тиҷоратӣ ва намоишгоҳи интерактивӣ аъзои 27 ҳайати байналмилалӣ, зиеда аз 1,5 ҳазор намояндагони мақомоти федеролии ҳокимият, ҷомеаҳои тиҷоратӣ ва иттиҳодияҳои соҳибкорӣ, инчунин коршиносони русия ва хориҷӣ дар соҳаи фаъолияти иқтисодии хориҷӣ иштирок мекунанд.
Мавзӯъҳои асосии рӯзи аввали форум муносибатҳои нав ба рушди тиҷорати байналмилалӣ дар шароити муосири геополитикӣ ва чораҳои муосири дастгирии тиҷорат буданд.
Дар ҷаласаи «Суръатбахшии амалиети фаромарзӣ калиди рушди тиҷорати нави байналмилалии Русия» коршиносон масъалаҳои такмили технологияро барои тарроҳии борҳо, рушди инфрасохтори нуқтаҳои афзалиятноки гузариш ва гузаргоҳҳои нақлиетӣ дар фазои ЕАЭС ва бо кишварҳои минтақаи Осие ва Уқенуси Ором (АТР) баррасӣ карданд.
Дар доираи барномаи тиҷоратӣ инчунин як қатор мизҳои мудаввар бахшида ба вазифаҳои афзалиятноки ҳамкории байналмилалии ҳифзи ҳуқуқ, аз ҷумла таҳкими ҳамкории ФТС Русия бо хадамоти гумруки давлатҳои хориҷӣ дар мубориза бо қочоқи маводи мухаддир ва маҳсулоти тамоку баргузор шуданд.
Дар минтақаи намоишгоҳи интерактивӣ бисер презентатсияҳо пешниҳод карда шуданд. Дар байни онҳо намоиши нақлиети муосир ва воситаҳои техникии назорати гумрукӣ, ки аз ҷониби гурӯҳҳои мобилии ФТС Русия истифода мешаванд. Муаррифии хидматҳои пардохти онлайн ва идоракунии пардохтҳои гумрукӣ барои шахсони ҳуқуқӣ ва воқеӣ таваҷҷӯҳи махсусро ба бор овард.
АМИТ «Ховар» бо истинод ба хадамоти Гумруки кишвар хабар медиҳад.
Акс: Таможенная служба Таджикистана
