Дар деҳаи Чашмасор, ки дар ҷамоати деҳоти Ҳасан Ҳусейнови ноҳияи Ёвон ҷойгир аст, раванди асфалтпӯш кардани роҳи 11-километрии он оғоз ефт.
Дар хашари умумӣ, ки дар деҳа баргузор шуд, раиси ноҳия, ки аз мақомоти Иҷроияи ҳокимияти давлатии ноҳияи Ёвон намояндагӣ мекард, ташаббуси сокинони маҳаллиро баланд арзебӣ кард. Вай таъкид кард, ки бунеди роҳҳо яке аз аъмоли нек аст ва ҳар як сокини он бояд дар ободонии деҳа ва фароҳам овардани шароити мусоид барои кӯдакон ва наслҳои оянда саҳми худро гузорад.
Асфалтпӯш кардани роҳ бо дастгирии мақомоти Иҷроияи ҳокимияти давлатии ноҳияи Ёвон, иштироки фаъолонаи аҳолӣ ва ҷавонони ватандӯсти деҳа амалӣ карда шуд. Дар оғози аксия фаъолони деҳаи Чашмасор бо сипосгузорӣ мукофотонида шуданд.
Бо риояи сиесати созандаи Пешвои миллат Муҳтарам Эмомалӣ Раҳмон, инчунин бо мақсади ҷашни арзандаи 35-солагии истиқлолияти Давлатии Ҷумҳурии Тоҷикистон дар ҳамаи ҷамоатҳои шаҳраку деҳоти ноҳияи Ёвон корҳои ободониву бунедкорӣ идома доранд.
Дар ин бора ба АМИТ «Ховар» бо истинод ба Мақомоти иҷроияи ҳокимияти давлатии ноҳияи Ёвон хабар медиҳад.
Акс: Мақомоти иҷроияи ҳокимияти давлатии ноҳияи Ёвон
