Вазири корҳои дохилии Ҷумҳурии Тоҷикистон Рамазон Раҳимзода ва Муовини вазири корҳои дохилии Федератсияи Русия Андрей Храпов вохӯрӣ доир намуда, масъалаҳои таҳкими ҳамкориҳои байниидоравиро дар соҳаи мубориза бо намудҳои гуногуни ҷинояткорӣ баррасӣ намуданд. Дар ин бора маркази матбуотии мақомоти ҳифзи ҳуқуқи Тоҷикистон хабар дод.
Тибқи иттилои маркази матбуотӣ, дар ҷараени мулоқот мавзӯъҳои марбут ба «таҳкими ҳамкорӣ байни мақомоти корҳои дохилии ду кишвар дар соҳаи муқовимат ба ҷинояткорӣ, терроризм, экстремизм ва гардиши ғайриқонунии маводи мухаддир» мавриди баррасӣ қарор гирифтанд. Масъалаҳои ҳамкорӣ дар соҳаи мубодилаи иттилоот, таҷриба ва дигар ҷанбаҳои муҳими мавриди таваҷҷӯҳи тарафайн низ баррасӣ шуданд.
Дар ҷамъбасти мулоқот ҷонибҳо ба тавсеа ва таҳкими минбаъдаи ҳамкориҳои муассир изҳори манфиатдорӣ карданд.
ТАСС хабар медихад.
Акс: аз архив
