Президенти Тоҷикистон Эмомалӣ Раҳмон ва раиси Тотористон Рустам Миннихонов дар Доираи саммити БРИКС дар Қазон мулоқот доир карданд. Онҳо ҳамкориро дар соҳаи иқтисод муҳокима карданд ва потенсиали онро барои тавсеаи минбаъда қайд карданд.
Тавре хадамоти матбуоти президенти Тоҷикистон хабар дод, ҳамсӯҳбатон дар бораи аҳамияти таҳкими робитаҳо дар бахшҳои энергетика, кишоварзӣ ва сайеҳӣ ба мувофиқа расиданд. Ғайр аз он, онҳо рушд ва таҳкими муносибатҳоро дар соҳаҳои тиҷорат, сармоягузорӣ, металлургия, истихроҷи маъдан, нафту газ, кимие, саноати сабук ва хӯрокворӣ, дорусозӣ ва сохтмон баррасӣ карданд.
Қайд гардид, ки саҳми Тотористон дар гардиши умумии мол миени Тоҷикистону Русия беш аз 50 миллион долларро ташкил медиҳад ва ин нишондиҳанда метавонад бо дарназардошти имкониятҳои мавҷуда зиед карда шавад. Ҳамчунин Эмомалӣ Раҳмон ва Миннихонов дурнамои ҳамкории минбаъдаро дар соҳаи фарҳангию гуманитарӣ, аз ҷумла масъалаҳои таълимӣ баррасӣ намуданд.
Сарвари Тоҷикистон бо сафари корӣ ба Қазон, ки дар он саммити 16-уми сарони давлатҳои БРИКС баргузор мешавад, ташриф меорад. Дар ин сафар ӯро муовини аввали сарвазири ҳукумат, вазири корҳои хориҷӣ, евари президент оид ба робитаҳои хориҷӣ, вазири саноат ва технологияҳои нав, раиси кумитаи давлатии сармоягузорӣ ва идоракунии амволи давлатӣ ва дигар шахсони расмӣ ҳамроҳӣ мекунанд.
Тибқи иттилои хадамоти матбуотӣ, Эмомалӣ Раҳмон дар вохӯрӣ дар формати «аутрич» / «БРИКС плюс», «БРИКС ва Ҷануби ҷаҳонӣ: сохтмони якҷояи ҷаҳони беҳтар» иштирок мекунад ва як қатор вохӯриҳои дуҷонибаро баргузор мекунад.
ТАСС хабар медихад.
Акс: аз манбаъҳои кушода
