Аз 24 то 26 октябр дар маркази байналмилалии намоишгоҳи шаҳри Душанбе намоишгоҳи байналмилалии Универсалии «Тоҷикистон-2024» баргузор мегардад.
Ташкилкунандаи ин чорабинӣ палатаи Савдо ва саноати Тоҷикистон буда, аз Ҷониби Ҳукумати Ҷумҳурии Тоҷикистон дастгирӣ карда мешавад. Аз соли 2016 инҷониб намоишгоҳ анъанавӣ гардид ва дар Душанбе соле ду маротиба баргузор мешавад.
Дар намоишгоҳ ширкатҳои пешрафтаи ватанӣ ва хориҷӣ маҳсулоти худро муаррифӣ мекунанд. Дар чорабинӣ намояндагони зиеда аз 60 ширкат аз Тоҷикистон, Русия, Беларус, Узбекистон, Покистон, Чин ва Эрон ширкат хоҳанд кард.
Иштирок дар намоишгоҳ дарҳоро барои нишон додани муваффақият ва рушди ширкат, инчунин тавсеаи пойгоҳи муштариен, афзоиши фурӯш ва бастани шартномаҳо мекушояд. Ғайр аз он, ин имкони ҷалби сармоягузорон аст.
Иштирокчиени хориҷӣ бо мақсади пайдо кардани шарикон дар Тоҷикистон мол ва хидматҳои худро пешниҳод мекунанд. Ширкатҳо аз тамоми минтақаҳои ҷумҳурӣ маҳсулоти худро дар пойтахт муаррифӣ мекунанд. Инҳо ҳам маҳсулоти ба истеъмолкунандагон шинос ва ҳам маҳсулоти нав хоҳанд буд.
Меҳмонон метавонанд маҳсулот ва хидматҳои инноватсионӣ ва инчунин навигариҳои ширкатҳоро қадр кунанд. Дар намоишгоҳ миссияҳои тиҷоратӣ аз кишварҳои гуногуни ҷаҳон иштирок мекунанд.
НИАТ «Ховар» бо истинод ба палатаи Савдо ва саноати Тоҷикистон хабар медиҳад.
Акс: Палатаи савдо ва саноати Тоҷикистон
