Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон барои кормандони Маркази Идоракунии ҳолатҳои бӯҳронӣ, Сарраесати ҳифзи аҳолӣ ва ҳудудҳо, инчунин Сарраесати Мудофиаи граждании Кумита курсҳои дарозмуддат ташкил ва мегузаронад.
Омӯзиш таҳти роҳбарии мутахассисони ботаҷрибаи корхонаи воҳиди Давлатии «Аэрогеодезияи Душанбе» бо истифода аз барномаи махсуси «Arc GIS» сурат мегирад.
Дар доираи курсҳо мавзӯъҳое ба монанди технологияҳои GIS, таҳлили аксҳои моҳвораӣ, идоракунӣ ва истифодаи ҳавопаймоҳои бесарнишин (UAV) барои таҳлили минтақаҳои хатари баланд ва эҷоди пойгоҳи додаҳо баррасӣ карда мешаванд. Ғайр аз он, барнома ба шумо имкон медиҳад, ки ҳам таҳлили фазоӣ ва ҳам васеъро анҷом диҳед ва мушкилотро дар вақти воқеӣ ҳал кунед.
Барои мустаҳкам кардани донишҳои гирифташуда, дарсҳои амалӣ ташкил карда мешаванд, ки дар онҳо кормандон бо истифода аз барномаи омӯхташуда харитаҳо тартиб медиҳанд.
АМИТ «Ховар» бо истинод ба маркази матбуоти Кумита хабар медиҳад.
Акс: Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон
