Дар давоми нӯҳ моҳ дар вилояти Суғд 1551,1 ҳазор тонна ангишт истихроҷ карда шуд, ки нисбат ба ҳамин давраи соли гузашта 140 фоиз зиед мебошад. Дар ин бора мақомоти иҷроияи ҳокимияти давлатии вилояти Суғд хабар доданд.
Дар вилоят 1198 корхонаи саноатӣ ба қайд гирифта шудааст, ки аз онҳо 37 корхонаи хидматрасонии саноатӣ ва 1161 корхонаи истеҳсолӣ мебошанд.
Соли ҷорӣ таъмири 2077 километр роҳҳо, аз ҷумла таъмири асосӣ ба 211,1 километр, таъмири ҷорӣ ба 1085,1 километр ва пӯшиши шағал ба 780,8 километр ба нақша гирифта шуда буд.
Бо дастгирии Вазорати нақлиет, мақомоти иҷроияи ҳокимияти давлатии вилоят, шаҳру ноҳияҳо, инчунин бо назардошти саҳми соҳибкорон ва сокинони саховатманди вилоят 2166,4 километр роҳҳо таъмир карда шуданд.
Аз шумораи умумии роҳҳои таъмиршуда 483,4 километр аз таъмири асосӣ, 915,6 километр аз таъмири ҷорӣ ва 767,4 километр аз пӯшиши сангпора бароварда шуданд.
Акс: аз архив
