Дар доираи форуми Байналмилалии сармоягузории «Хатлон Инвест» беш аз 30 ҳуҷҷати ҳамкорӣ ба маблағи умумии 200 миллион доллари ИМА ба имзо расид. Дар ин чорабинии муҳим беш аз 400 нафар иштирок карданд, ки дар байни онҳо намояндагони корпуси дипломатӣ, инчунин доираи васеи соҳибкорон ва сармоягузорони ватанӣ ва хориҷӣ буданд.
Дар ифтитоҳи форум раиси вилояти Хатлон Давлаталӣ Саид изҳори боварӣ кард, ки ин чорабинӣ майдони муколамаи созанда, муҳокима ва ҷустуҷӯи роҳҳои ҳамкории мутақобилан судманд хоҳад буд. Вай аҳамияти густариши муносибатҳои тиҷоратию иқтисодӣ, сармоягузорӣ ба сохтмон, таъсиси иқтидорҳои истеҳсолӣ ва рушди содироти маҳсулоти баландсифати экологиро таъкид кард.
Ба иштирокчиени форум иттилоъ дода шуд, ки Айни замон дар Тоҷикистон зиеда аз 100 шакли имтиезҳои андозӣ, гумрукӣ ва сармоягузорӣ амал мекунанд, ки барои пешбурди тиҷорат шароити мусоид фароҳам меорад. Ба сармоягузорони хориҷӣ озодии интиқоли даромад ва фоида ба хориҷа бо асъори хориҷӣ кафолат дода мешавад.
Вилояти хатлон яке аз минтақаҳои босуръат рушдебандаи кишвар аст, ки дар он қариб 4 миллион нафар зиндагӣ мекунанд, ки 40% аҳолии ҷумҳуриро ташкил медиҳад. Дар панҷ соли охир ММД-и вилояти Хатлон қариб ду баробар афзуда, ба 36 миллиард сомонӣ расидааст. Суръати миенаи афзоиши маҳсулоти умумии дохилии минтақа дар ин давра зиеда аз 7,5% – ро ташкил дод. Рушди иқтисодии минтақа дар 9 моҳи соли ҷорӣ ба 8,3% расид.
Дар ин бора АМИТ «Ховар» хабар дод.
Акс: АМИТ «Ховар»
