Аз 16 то 18 октябр дар Тоҷикистон Рӯзҳои фарҳанги Давлати Қатар баргузор мешаванд.
Ин чорабиниҳо дар доираи созишномаи байнидавлатии Қатар ва Тоҷикистон барои таҳкими ҳамкориҳои фарҳангии ду кишвар ташкил карда шудаанд.
Рӯзи аввал, 16 октябр, мулоқоти вазирони фарҳанги ду давлат дар китобхонаи Миллии Тоҷикистон ба нақша гирифта шудааст. Ҳамчунин дар майдони ба номи 800-солагии Маскав намоишгоҳи маҳсулоти ҳунарҳои мардумӣ ва хӯрокҳои Миллии Қатар ва дар театри давлатии академии Опера Ва балети Тоҷикистон ба номи Садриддин Айнӣ маросими ифтитоҳи Рӯзҳои фарҳанг баргузор мегардад.
17 ва 18 октябр соати 18:30 барномаи фарҳангии кормандони санъати Қатар намоиш дода мешавад.
Илова бар ин, 17 октябр сафари ҳайати иштирокчиен ба шаҳри Нуреки вилояти Хатлон ба нақша гирифта шудааст.
Дар ин бора ба АМИТ «Ховар» бо истинод ба Вазорати фарҳанги Тоҷикистон хабар медиҳад.
Акс: Вазорати маданияти Точикистон
