Дар шаҳри Панҷакент, дар кони Могиен, дар корхонаи «Дион-ангишт-Тоҷикистон» хатти нави истеҳсолӣ кушода мешавад. Дар доираи ин лоиҳа таҷҳизоти замонавӣ насб карда мешавад, ки ба афзоиши назарраси истихроҷи ангишт имкон медиҳад.
Қайд карда шуд, ки таҷҳизоти нав, аз ҷумла комбайнҳои истихроҷи ангишт, хатти интиқол, борбардор, истгоҳи барқ ва дигар унсурҳо аз Ҷумҳурии Мардумии Чин ворид карда шуданд. Дар айни замон раванди насбкунӣ идома дорад.
Пас аз ба кор андохтани ин тачхизот истехсоли ангишт нисбат ба сатхи хозира якчанд баробар зиед шуда, кариб ба сад хазор тонна мерасад. Ангишти дар корхонаи нав истихроҷшуда ҳам дар дохили шаҳр ва ҳам тибқи ӯҳдадориҳои шартномавӣ ба хориҷи кишвар содир карда мешавад.
Корхонаҳои саноатии Тоҷикистон ба зиед намудани ҳаҷми истихроҷ ва коркарди ангишт нигаронида шудаанд, ки ин имкон медиҳад, ки талаботи соҳаҳои иқтисодиву иҷтимоии ҷумҳурӣ саривақт таъмин гардида, имкониятҳои содиротӣ васеъ гардида, иқтидори истеҳсолӣ афзоиш ебад.
Ин дастовардҳо дар рушди иқтисоди миллӣ дар доираи Солҳои рушди саноатӣ, ки аз соли 2022 то 2026 ба нақша гирифта шудаанд, саҳми назаррас хоҳанд гузошт ва ба татбиқи яке аз чаҳор ҳадафи стратегӣ — саноатикунонии босуръати кишвар мусоидат хоҳанд кард.
Дар ин бора ба АМИТ «Ховар» бо истинод ба Мақомоти иҷроияи ҳокимияти давлатии шаҳри Панҷакент хабар медиҳад.
Акс: аз манбаъҳои кушода
